LIJA A. ………………………… 2 SIRENS ……………………….. 2
Lija: Z. Valletta, J.C. Cassar (A. Sammut 78’), L. Muscat, D. Scerri (A. Azzopardi 68’), E. Beu, A. Borg, M. Clinch, P. Luiz Soares, A. Galea (G. Borg 78’), K. Kuroki, L.J. Schembri.
Sirens: M. Montfort, R. Mandic, D. Sant, M. Del Negro, M. Micallef (J. Nwoba 75’), M.A. Morgon (L. Zammit 80’), M.A. Bustos, G. Spiteri (L. Mijic 80’), C. Gauci, L. Galea, A. Ige Adeshina.
Referee: Etienne Mangion
Lija u Sirens temmew fi draw ta’ 2-2, f’logħba mimlija azzjonijiet u inċidenti u li minbarra l-gowls kien fiha tliet karti ħomor. Għal Lija dan kien it-tieni draw ta’ 2-2 wara dak kontra Naxxar. Iżda kontra l-Lions dan kien miksub meta lagħbu logħba sħiħa bi plejer inqas, filwaqt li lbieraħ kisbu draw fl-aħħar minuta meta kellhom superjorità numerika.
L-ewwel azzjoni fis-17-il minuta free-kick minn pożizzjoni angolata mogħti minn Lee Joe Schembri niżel fuq is-saqaf tax-xibka. Tliet minuti wara Lija fetħu l-iskor meta free-kick ta’ Erjon Beu ġie mdawwar għal korner minn Miguel Montfort u mill-istess korner PEDRO LUIZ SOARES ikkonkluda fix-xibka b’daqqa ta’ ras.
Sirens ippruvaw jagħmlu reazzjoni u fil-25 minuta free-kick ta’ Marco Antonio Morgon ġie salvat mingħajr wisq diffikultà minn Zach Valletta. Sirens bdew iżidu l-isforzi tagħhom u fit-33 minuta xutt minn qagħda tajba ta’ Manuel Angel Bustos wara azzjoni ta’ Clive Gauci għadda ftit barra.
Fil-35 minuta Sirens spiċċaw jilagħbu bi plejer anqas wara li Luke Galea ġie muri l-karta l-ħamra għal fawl fuq Koken Kuroki li kien dieħel fil-kaxxa. Iżda minkejja dan in-nuqqas fl-aħħar mumenti tal-ewwel taqsima Sirens irnexxielhom jagħmlu l-iskor indaqs meta ABDULLAHI IGE kkonkluda fix-xibka b’daqqa ta’ ras wara azzjoni ta’ korner.
Erba’ minuti mill-ftuħ tat-tieni taqsima Sirens marru fil-vantaġġ meta MARCO ANTONIO MORGON deher jaqa’ fil-kaxxa wara kuntatt ma’ Leon Muscat, ir-referee ordna penalty li minnu l-istess player ta’ Sirens ma falliex.
Fis-67 minuta anke Lija spiċċaw jilagħbu bi plejer anqas wara li Lee Joe Schembri ġie muri t-tieni karta safra għal simulazzjoni. Ħames minuti wara Lija resqu viċin li jagħmlu l-iskor indaqs meta daqqa ta’ ras ta’ Erjon Beu wara kross ta’ Joseph Carl Cassar għaddiet ftit barra.
Fis-86 minuta Sirens spiċċaw jilagħbu b’disa’ plejers wara li Mattia del Negro ġie muri t-tieni karta safra għal fawl fuq plejer avversarju. Minuta minn tmiem il-partita Lija għamlu l-iskor indaqs ERJON BEU kkonkluda fix-xibka minn qagħda ideali.
Qrendi jiksbu l-ewwel punt tal-istaġun
QRENDI ……………………………. 1 NAXXAR L. ……………………….. 1
Qrendi: J. Farrugia, M. Farrugia, B. Bondin, C. Caruana (K. Abela 88’), L. Scorfna (N. Falzon 57’), R. Dalli, Z. Bowman, J. Spiteri, J.P. Vargas, C. Quaranta (M. Reid 56’), J. Silveira da Silva.
Naxxar: O. Borg, M. Fenech, M. Mifsud, J. Debono, D. Bonnici, R. G. Cassar, A. Buhagiar, D. Belhadj, S. Nanapere, S. Meilak, M. Belhadj (J. Ellul 62’)
Referee: Darryl Agius
Qrendi kisbu l-ewwel punt tal-istaġun meta rnexxielhom iżommu lil Naxxar fi draw ta’ 1-1. Għal Naxxar riżultat li jista’ jitqies bħala diżappuntanti wara d-draw miksub fl-ewwel ħarġa kontra Lija.
Naxxar iddominaw il-logħba għal ħinijiet twal u kien jimmeritahom xi ħaġa aħjar iżda kellhom jikkuntentaw bi draw. Għal Qrendi dan ir-riżultat hu ferm importanti l-iktar wara l-prestazzjoni fqira li kellhom fl-ewwel ħarġa tagħhom kontra Santa Luċija.
Qrendi ma setax kellhom bidu aħjar għax wara biss 5 minuti huma fetħu l-iskor meta JONATHAN SILVEIRA DA SILVA rċieva pass meta kien f’pożizzjoni ideali u wara li dar mal-gowlkiper avversarju kkonkluda fix-xibka b’xutt fil-baxx.
Ħames minuti wara n-Naxxarin iprotestaw għal penalty meta Mohammed Belhadj deher jaqa’ fil-kaxxa wara kuntatt ma’ plejer avversarju iżda r-referee ħalla l-logħob għaddej. Naxxar għamlu reazzjoni u fil-21 minuta kienu sfortunati li m’għamlux l-iskor indaqs meta daqqa ta’ ras ta’ Angus Buhagiar wara azzoni ta’ free-kick ħabtet mal-mimduda.
Fid-39 Naxxar kellhom gowl ta’ Meilak imħassar minħabba offside u ftit wara xutt ta’ Belhadj kien maqlugħ minn fuq il-linja. Minuta mit-tmiem l-ewwel taqsima Naxxar kisbu draw meritat meta Duane Bonnici twaqqa’ minn Scorfna u mill-11-il metru JURGEN DEBONO ma żbaljax.
Wara l-mistrieħ Naxxar komplew jattakkaw iżda minkejja diversi opportunitajiet huma ma rnexxielhomx jinfdu d-difiża ta’ Qrendi. Lejn it-tmiem kien Saturday Nanapere li għal ftit ma kisibx rebħa drammatika għal-Lions.
