ST. ANDREWS………………. 0 SLIEMA W……………………. 2
St. Andrews: M. Calleja Cremona, A. Satariano, K. Mcfarlane (J. Farrugia 53’), R. Martin (A. Friggieri 84’), T. Blagrove, K. Atkinson, K. Reid, K. Magro, A. Borg, M. Davis, M. Woo Ling (L. Sciberras 69’)
Sliema: J. Galea, M. Mucciardi, J. De Assis, N. Ashong Nii, K. Temile (A. Azzopardi 75’)(S. Cassar 90’), M. Sansone, P. Xuereb, C. Pani, G. Adamovic, J.P. Farrugia (K. Shaw 81’), S. Biancardi.
Imwissija: G. Adamovic 33’, J. De Assis 60’, T. Temile 72’ (SW), K. Atkinson 45’, M. Calleja Cremona 48’ (SA)
Skorjaw: J.P. Farrugia 45’+, J. De Assis 48’ (SW)
Referee: Stefan Pace
Assistenti Referees: Luke Portelli, William Debattista
Il-Mument Plejer tal-logħba: Jefferson De Assis (Sliema Wanderers)
Wara t-telfa fid-Derby tax-Xatt kontra Gżira United, Sliema Wanderers irritornaw għar-rebħ meta għelbu lil St. Andrews 2-0. Iż-żewġ gowls li ddeċidew il-logħba waslu qabel u wara l-mistrieħ, b’St. Andrews ikunu maħsuda minħabba l-ħin li sofrew il-gowls.
St. Andrews ma kellhomx prestazzjoni ħażina fl-ewwel taqsima, iżda wara li marru 2-0 minn taħt kmieni fit-tieni taqsima, ma rnexxielhomx jerġgħu jidħlu fil-logħba.
Fatt interessanti kien li l-logħba twaqqfet ftit minuti wara li bdiet minħabba s-sigurtà tal-plejers wara li ċumnija li tinsab ħdejn l-istadium bdiet iddaħħan. Is-Slimiżi marru viċin li jiftħu l-iskor fil-21 minuta b’daqqa ta’ ras ta’ Jean Paul Farrugia li għaddiet ftit għoli wara korner ta’ Frank Temile.
St. Andrews wieġbu fl-34 minuta bi kross ta’ Travis Blagrove mil-lemin isib lil Alexander Satariano, iżda x-xutt taż-żagħżugħ għadda ftit barra. Is-Slimiżi temmew l-ewwel taqsima b’gowl li spiċċa biex witta t-triq għar-rebħa.
Kien proprju l-attakkant JEAN PAUL FARRUGIA li għeleb lil Matthew Calleja Cremona bi free-kick dirett għal gowl mill-isbaħ. It-tim ta’ John Buttigieg beda t-tieni taqsima kif temm l-ewwel waħda hekk kif irdoppja l-iskor fit-48 minuta. Din id-darba kien l-attakkant l-ieħor JEFFERSON DE ASSI li spara wara Calleja Cremona minn tarf il-kaxxa.
Sliema kkontrollaw il-kumplament tat-tieni taqsima fejn saħansitra kellhom gowl imħassar ġustament għal offside ta’ de Assis. St. Andrews pruvaw jidħlu fil-logħba lejn it-tmiem, iżda l-gowlkiper Slimiż Jake Galea kien attent biex ċaħħad tentattiv ta’ Kemar Reid.
