QORMI………………………….. 1 FLORIANA…………………….. 3
Qormi: J. Azzopardi, D. Mansi, Y. Yankam, S. Kim, M. Micallef, M. Arrieta (M. Camilleri 46′), G. Gesualdi (I. Zammit 56′), A. Cassar A. Abela 81′), L. Adamec, M. Soares, T. Gusman
Floriana: I. Akpan, I. Guberac (C. Borg 68′), P. Wleh Ronaldinho (D. Agius 72′), E. Ruiz, S. Pisani, I. Varela, M. Vella, J. Cabral, C. Failla, J. Pisani, E. Marcellina
Imwissija: E. Ruiz 39′ (F) G. Gesualdi 9′ (Q)
Skorjaw: Y. Yankam 51′ (Q) J. Cabral 3′, C. Failla 27′, C. Borg 86′ (F)
Referee: Ishmael Barbara
Assistenti Referees: Edward Spiteri, Theodore Zammit
In-Nazzjon Plejer tal-logħba: Yannick Yankam (Qormi)
Attendenza: 410
Rapport: Keane Cutajar
Floriana rreaġixxew bl-aħjar mod possibbli wara t-telfa ta’ tmiem il-ġimgħa li għaddiet, meta għelbu lil Qormi li min-naħa tagħhom sofrew it-tielet telfa tal-istaġun fejn fl-aħħar erba’ logħbiet ħadu biss punt u sofrew 15-il gowl. Madanakollu, minkejja din it-telfa, Qormi kellhom prestazzjoni tajba u kellhom il-mumenti tagħhom fejn setgħu wkoll ħadu xi ħaġa mill-partita. Fost din il-prestazzjoni, spikka il-plejer ċentrali Yannick Yankam.
Għalkemm bdew bl-aħjar mod possibbli, Floriana naqsu xi ftit mir-ritmu aktar ma’ kemm għadda ħin u kien biss lejn l-aħħar li serrħu rashom mit-tliet punti meta qabdu lit-tim ta’ Brian Spiteri fuq il-kontrattakk. Floriana marru minn fuq wara biss tliet minuti logħob meta JUNINHO CABRAL xeħet bid-dawra fir-rokna tax-xibka free-kick dirett minn pożizzjoni angolata minn barra l-kaxxa.
Fis-26 minuta, Ishmael Barbara ordna penalty meta Davide Mansi deher jimblokka l-ballun b’idu wara free-kick ta’ Maurizio Vella. Il-Greens irduppjaw mill-11-il metru meta CLAYTON FAILLA xeħet wara Jamie Azzopardi li għal ftit ma żammx il-ballun barra.
Qormi naqsu d-distakk fil-51 minuta permezz taż-żagħżugħ YANNICK YANKAM li bir-ras iltaqa’ ma’ kross mil-lemin ta’ Alessio Cassar qabel xeħet fir-rokna. Tliet minuti wara, Ini Akpan salva tajjeb il-free-kick b’saħħtu ta’ Lubos Adamec biex żamm l-iskor favur it-tim ta’ Luis Oliveira.
Fit-78 minuta, azzjoni maħduma tajba ta’ Floriana waslet biex is-sostitut Clyde Borg spiċċa f’pożizzjoni tajba barra l-kaxxa ż-żgħira iżda x-xutt finali tiegħu kien imblokkat b’save stupend ta’ Azzopardi. Iż-żewġ sostituti ta’ Floriana kkombinaw tajjeb lejn l-aħħar tal-logħba biex aċċertaw mir-rebħa. CLYDE BORG għalaq il-partita fis-86 minuta bi ta’ xutt mill-ewwel b’saħħtu fir-rokna tax-xibka wara xogħol tajjeb ta’ Daniel Agius mal-linja xellugija.
