Raġel Libjan inqabad b’sikkina kbira moħbija, twila ftit inqas minn nofs metru, f’Triq San Ġorġ, Paceville, kmieni s-Sibt filgħodu għal ħabta tal-4.30am.
Dan hekk kif deher li se jħebb għall-uffiċċjali tas-sigurtà meta tkeċċa minn stabbiliment tad-divertiment għall-inkwiet li qala’.
Uffiċċjali tas-sigurtà minnufih talbu għall-għajnuna tal-Pulizija tad-Distrett li arrestaw ir-raġel u ttieħed l-Għassa ta’ San Ġiljan biex jiġi nterrogat.
