Brighton kisbu t-tieni rebħa tal-istaġun meta fl-American Express Stadum għelbu lil West Ham 1-0. Din ir-rebħa kkonfermat li f’darhom Brighton jistgħu jħabtu lil kulħadd, tant li mit-tmien punti li kisbu, dan kien is-seba’ punt tagħhom mirbuħ fl-istadium tagħhom.
Il-gowl li ddeċieda l-logħba wasal fil-25 minuta meta Beram Kayal krossja mix-xellug fil-kaxxa lejn l-iżmarkat Glenn Murray li mill-kaxxa ż-żgħira għeleb lil Lukasz Fabianski. Dan kien id-99 gowl ta’ Murray skorjat ma’ Brighton.
