Tħabbret il-mewt tal-Ambaxxatur Victor J Gauci, li kellu karriera diplomatika ta’ madwar 40 sena, fosthom fi ħdan in-Nazzjonijiet Uniti.
Meqjus bħala wieħed mill-pijunieri tas-Servizz Diplomatiku Malti, Gauci serva fost l-oħrajn 20 sena jaħdem fi ħdan in-Nazzjonijiet Uniti fi New York u f’Ġinevra.
Victor J Gauci kien involut ukoll b’ħidma diplomatika fil-kisba tal-Indipendenza u biex pajjiżna seta’ jkun elett fil-Kunsill tas-Sigurtà tan-Nazzjonijiet Uniti, fejn għal xi żmien kien ukoll President.
Hu kien ukoll Konsulent ta’ tliet Prim Ministri u Ministri tal-Affarijiet Barranin.
Fost dawk li sellmu l-memorja ta’ Victor J Gauci kien hemm il-Kap tal-Oppożizzjoni u tal-Partit Nazzjonalista Adrian Delia, li fuq Facebook wassal ukoll il-kondoljanzi lill-qraba tiegħu.
NET News jingħaqad fil-kondoljanzi lill-Familja Gauci.
//= $special ?>