Wara s-suċċess tal-ewwel edizzjoni ta’ #ErasmusDays fl-2017, fejn 655 attività, fi 11-il pajjiż, 324 belt u 52 miljun persuna kienu milħuqa permezz tal-midja soċjali, l-edizzjoni ta’ din is-sena ttellat illum u se tkompli għada.
L-Aġenzija tal-Programmi tal-Unjoni Ewropea (EUPA) ingħaqdet ma’ Aġenziji Nazzjonali Ewropej oħra għall-Erasmus+ sabiex tiċċelebra l-edizzjoni ta’ din is-sena ta’ #ErasmusDays.
Dan l-avveniment ġab flimkien parteċipanti tal-programm Erasmus+, kif ukoll partijiet interessati ta’ mobbiltà internazzjonali u ċittadinanza Ewropea (istituzzjonijiet edukattivi u ta’ taħriġ, kumpaniji, ċentri ta’ riċerka, kmamar tal-kummerċ, aġenziji tax-xogħol, organizzazzjonijiet u NGOs, eċċ.) biex juru l- proġetti.
