Minuta silenzju fil-bidu tas-summit Ewropew fi Brussell
Il-Kap tal-Partit Nazzjonalista Adrian Delia llum ipparteċipa f’summit tal-Partit Popolari Ewropew fi Brussell.
Mal-wasla tal-mexxejja politiċi, is-summit infetaħ mill-Kap tal-Partit Nazzjonalista Adrian Delia, li fl-intervent tiegħu fakkar kif wara sena mill-qtil brutali tal-ġurnalista Daphne Caruana Galizia, pajjiżna għadu qed jistenna li ssir ġustizzja.
Hu appella lill-mexxejja preżenti biex jingħaqdu miegħu f’minuta silenzju ħalli tkun imfakkra l-memorja ta’ Daphne Caruana.
Dawk preżenti qablu mal-Kap tal-PN u anke huma ingħaqdu f’din it-tislima.
