Żagħżugħ ta’ 19-il sena mill-Gambja qed jingħata kura fl-Isptar Mater Dei wara li waqa’ ammont ta’ rħam fuqu, fiż-żona industrijali ta’ Ħ’Attard.
L-inċident seħħ għall-ħabta tas-14:30 u fuq il-post kien hemm bżonn l-għajnuna tal-membri tal-Protezzjoni Ċivili biex jassistu lill-vittma, li ttieħed lejn l-isptar permezz ta’ ambulanza.
L-investigazzjonijiet tal-Pulizija għadhom għaddejjin.
