Mara ta’ 79 sena qed isofri minn grieħi gravi wara li sfat milquta minn vettura fi Triq il-Kunsill tal-Ewropa, Ħal Luqa. L-inċident seħħ għall-ħabta ta’ 11:40am.
Fi stqarrija l-Pulizija qalu li l-Pulizija tad-Distrett marru fuq il-post u sabu li l-mara kienet ittajret minn vettura misjuqa minn raġel ta’ 28 sena miż-Żejtun.
Il-mara ttieħdet l-isptar Mater Dei fejn ġiet iċċertifikata li qegħda ssofri minn grieħi gravi.
