Il-pulizija llum kellha tintervjeni biex tikkalma s-sitwazzjoni wara argument li nqala bejn xi barranin fl-inħawi ta’ Triq Qormi, l-Ħamrun.
Skont residenti minn din il-lokalita’ li tkellmu ma’ Netnews.com.mt, xeni ta’ argumenti u ġlied qed ikunu komuni u regolari f’din iż-żona. Huma qalu li s-sitwazzjoni qed issir insopportabbli u huma qed iħossuhom skomdi fi djarhom minħabba dan il-fatt.
Jidher li s-sitwazzjoni ġiet ikkontrollata mill-pulizija wara ftit ħin.
