FLORIANA…………… 1 PIETÀ H……………….. 2
Floriana: I. Akpan, A. Cini (C. Borg 69’), E. Ruiz, J. Pisani, A. Oyama (I. Guberac 46’), E. Marcelina, M. Saleh, S. Pisani, M. Vella (D. Agius 46’), C. Failla, J. Cabral
Pietà: N. Vella, T. Ose, A. Machedo, C. Grech, T. Bartolo (J.M. Artiaga 90’), N. Pace Cocks, D. Agius, I. Jalo, J. Busuttil (C. Degabriele 88’), G. Mensah (S. Nakamura 79’), P. Chimezie
Imwissija: N. Vella 5’, N. Pace Cocks 43’, A. Cini 52’, M. Saleh 59’, E. Ruiz 63’, C. Failla 88’ (F)
Skorjaw: J. Cabral 5’ pen (F), P. Chimezie 55’ pen, S. Nakamura 85’ (P)
Referee: Etienne Mangion
Assistenti Referees: Alan Camilleri, Chris Francalanza
Il-Mument Plejer tal-logħba: Paul Chimezie (Pietà Hotspurs)
Gowl lejn it-tmiem ta’ Shunsuke Nakamura fisser it-tieni rebħa ta’ Pietà Hotspurs f’dan il-kampjonat, filwaqt li ta l-ħames telfa lil Floriana li donnhom ma jistgħux jaqbdu r-ritmu li jixtiequ.
Għal dak li għamlu fit-tieni taqsima, Pietà kien jimmeritahom li joħorġu mil-logħba bir-rebħa, u dawn il-punti huma prezzjużi għalihom fit-taqtigħa biex jevitaw ir-relegazzjoni.
Kienu Floriana li kellhom bidu tajjeb hekk kif marru fil-vantaġġ wara ħames minuti. Ir-referee Etienne Mangion ordna penalty fost il-protesti ta’ Pietà meta Juninho Cabral deher jitlef il-bilanċ wara kuntatt ma’ Machedo Neto. Ix-xutt ta’ JUNINHO CABRAL kien blokkat parzjalment minn Nicky Vella iżda l-ballun baqa’ dieħel fix-xibka.
Ir-reazzjoni ta’ Pietà waslet sitt minuti wara b’xutt ta’ Jan Busuttil li spiċċa fuq il-lasta. Floriana kienu fil-kontroll iżda ftit kienu qed ikunu perikolużi biex jirduppjaw.
Iżda minkejja li l-kowċ ta’ Floriana Luis Oliveira għamel żewġ bidliet fit-tieni taqsima, Pietà ħarġu aħjar u fl-54 minuta ngħataw penalty li wkoll kien kontestat. Paul Chimezie waqa’ fil-kaxxa wara kuntatt ma’ Mohamed Saleh, bl-istess PAUL CHIMEZIE jinkariga ruħu mill-11-il metru u għeleb lil Akpan.
Dan il-gowl donnu ta kuraġġ lil Pietà li bdew iżidu fil-logħba u wara li konklużjoni ta’ Neil Pace Cocks għaddiet ftit barra, fl-64 minuta free-kick ta’ Ose għaddiet fuq il-lasta. Erba’ minuti wara, Gabriel Mensah falla ċans tajjeb wara li dam biex jaħsibha minn quddiem Akpan.
Il-gowlkiper Furjaniż salva lit-tim tiegħu wara li salva tentattiv ta’ Jan Busuttil, iżda Akpan ma seta’ jagħmel xejn fil-85 minuta meta Neil Pace Cocks qassam lejn is-sostitut SHUNSUKE NAKAMURA li skorja b’xutt tajjeb.
(Ritratti: Trevor Sollars)
