Tal-anqas tmienja min-nies inqatlu fis-Sinagoga Tree of Life f’Pittsburgh, Pennsylvania fl-Istati Uniti waqt li kienu qed jattendu għal ċerimonja lhudija tal-għotja tal-isem ta’ tarbija.
Robert Bowers ġie arrestat mill-pulizija u huwa rrappurtat li għajjat kliem anti-semitiku filwaqt li spara fis-sinagoga.
Skont rapporti hemm minn tal-inqas sitta min-nies oħra li sofrew ġrieħi – erbgħa minnhom uffiċjali tal-pulizija.
Fid-dawl tal-attakk, il-President Amerikan Donald Trump qal li l-inċident ma kienx iseħħ kieku kien hemm membri tas-sigurtà armati mas-sinagoga.
