Rapport: Kenneth Vella
L-aktar tiġrija importanti li saret fil-korsa tal-Marsa kienet waħda fuq forma ta’ finali ta’ Condition Race għal żwiemel tal-klassi Premier fuq distanza qasira ta’ 2140m. Din għamlet parti mit-48 laqgħa tal-istaġun fuq għaxar tiġrijiet kollha għal żwiemel tat-trott. Il-finali Premier intrebħet minn I Won’t Dance ta’ Clint Vassallo.
Ħdax-il żiemel ħadu sehem fit-tiġrija l-aktar mistennija u li ġiet organizzata bl-għajnuna ta’ Chain Supermarkets. Team Monceau (Marco Debono) kien l-aktar żiemel b’saħħtu wara l-bidu uffiċjali permezz tal-karozza tat-tluq.
Minnufih dan fetaħ vantaġġ żgħir minn Velvet Rainbow (Ludvic Ghigo) u Global Oracle (Noel Baldacchino). It-tiġrija ħadet żvolta oħra fid-dritta finali meta Team Monceau beda jnaqqas mill-pass u dlonk inqabeż mill-Amerikan I Won’t Dance (Clint Vassallo) li ħa l-ewwel rebħa fi xtutna fit-tieni dehra tiegħu quddiem Velvet Rainbow u Tallien (Melvin Farrugia). Team Monceau kellu jikkuntenta bir-raba’ pożizzjoni.
Fi tmiem il-finali, ic-chairman tal-Malta Racing Club Edwin Borg ippremja lil Clint Vassallo u Frans Bugeja, is-sewwieq u s-sid rispettivament taz-ziemel rebbieh. I Won’t Dance kellu medja ta’ 1.14.9” fil-kilometru.
Il-kumplament tat-tigrijiet saru fuq distanza twila ferm ta’ 3140m. Fl-ewwel minn zewg tigrijiet tal-klassi Gold, attakk mibdi 500m mill-linja finali wassal lll-Franciz Amour Du Pont (Andrew Farrugia) biex jirregistra l-hames rebha tal-istagun u f’pajjizna b’tul minn Sandsjons Revenue (Charles Camilleri) u Remain Garbo (Clint Vassallo). Sacha Marboula (Michael Ellul) daħal fir-raba’ pożizzjoni.
Rodney Gatt poġġa lid-Daniż And Here I Am quddiem 400m mit-tmiem tat-tieni tiġrija mill-istess klassi. Madanakollu fid-dritta finali ż-żiemel ta’ Gatt ma seta’ jagħmel xejn quddiem il-qawwa tal-Franċiż Uveo De Maza taħt il-gwida ta’ Charles Camilleri.
B’hekk iż-żiemel ta’ Camilleri ħa t-tielet rebħa staġjonali b’Hallas Judex (Charles Magro) u Unipen Begonia (Jean Paul Polidano) itemmu warajhom f’dik l-ordni. Ta’ min wieħed jinnota li Uveo De Maza kien daħal mil-lista tas-sostituti.
Il-laqgħa nkludiet ukoll tiġrija tal-ponijiet fis-serkin u bil-galopp fuq distanza ta’ 1260m. Din intrebħet minn Lady P ta’ Antoine Micallef li kienet il-ħin kollu quddiem. Dan b’tul minn Here I Am (Josef Buttigieg) u Fire Bull (Ryan Cassar). B’kollox kienu ħamsa l-ponijiet li pparteċipaw f’din it-tiġrija.
Ir-riżultati kollha
I Tiġrija Klassi Copper. Dist – 3140m. 1. Cherie De Noyelles (C. Calleja) Ħin – NTR 2. Robinia As (M. Ellul) 3. Oleggio (B. Camilleri) 4. Calife Aimef (K. Saliba)
II Tiġrija Klassi Silver. Dist – 3140m. 1. Trytocatchme (C. Camilleri) Ħin – 4.06.4” (1.18.5”) 2. Wies Buitenzorg (Ch. Grech) 3. Tjurkhults Dealer (N. Barbara) 4. Sabacan Savage (Sh. Portelli)
III Tiġrija Klassi Bronze. Dist – 3140m. 1. Sillon Du Breuil (M. Ellul) Ħin – 4.08.4” (1.19.1”) 2. Va Marcel (N. Baldacchino) 3. As De Coeur (C. Vassallo) 4. Usolo De Beylev (H. McKay)
IV Tiġrija Klassi Gold. Dist – 3140m. 1. Un Amour Du Pont (A. Farrugia) Ħin – 4.02.4” (1.17.2”) 2. Sandsjons Revenue (C. Camilleri) 3. Remain Garbo (C. Vassallo) 4. Sacha Marboula (M. Ellul)
V Tiġrija Klassi Silver. Dist – 3140m. 1. Veaulnes (N. Baldacchino) Ħin – 4.08” (1.19”) 2. Unruly Rainbow (R. Gatt) 3. Azur (Ch. Vassallo) 4. Viens Tu Diego (C. Camilleri)
VI Tiġrija Klassi Gold. Dist – 3140m. 1. Uveo De Maza (C. Camilleri) Ħin – 4.04” (1.17.7”) 2. And Here I Am (R. Gatt) 3. Hallas Judex (C. Magro) 4. Unipen Begonia (J.P. Polidano)
VII Tiġrija Klassi Bronze. Dist – 3140m. 1. Concerto Cehere (C. Camilleri) Ħin – 4.11.6” (1.20.1”) 2. Baron d’Attaque (C. Calleja) 3. Trazom (W. Cutajar) 4. Celebre Sublignais (A. Farrugia)
VIII Tiġrija Chain Supermarkets Condition Race Final. Klassi Premier. Dist – 2140m. 1. I Won’t Dance (C. Vassallo) Ħin – 2.40.2” (1.14.9”) 2. Velvet Rainbow (L. Ghigo) 3. Tallien (M. Farrugia) 4. Team Monceau (M. Debono)
IX Tiġrija Klassi Silver. Dist – 3140m. 1. Carat Darby (R. Gatt) Ħin – 4.09.4” (1.19.4”) 2. Faro Sue Heikant (J. Azzopardi) 3. Veikko Hornline (J. Farrugia) 4. Oxygen Bi (I. Galea)
X Tiġrija Klassi Bronze. Dist – 3140m. 1. Cesar Du Buillon (R. Gatt) Ħin – 4.05.8” (1.18.3”) 2. Roc Magister (K. Axisa) 3. Voila Dry (I. Bilocca) 4. Upfen (J. Agius)
