Raġel ta’ 56 sena minn San Ġiljan qed isofri minn feriti serji wara li inċidentalment weġġa’ b’chaser waqt li kien qed jagħmel xi xogħolijiet fir-residenza tiegħu f’San Ġiljan.
L-inċident seħħ dalgħodu, għall-ħabta tat-8.30am fi Triq Ant. Schembri, fejn ma jidhirx li kien hemm aktar persuni involuti.
Fil-post issejħet Ambulanza, li ħadet lir-raġel l-Isptar Mater Dei għall-kura. Hemm, hu kien iċċertifikat li qed isofri minn feriti serji.
Kien għalhekk li ssejħu l-Pulizija, li bdew l-investigazzjonijiet tagħhom dwar il-każ.
