L-Arġentin Juan Martin del Potro rtira mill-aħħar tournament tal-istaġun il-Finali ATP u se jkun mibdul mill-Ġappuniż Kei Nishikori. Is-sid numru erbgħa tad-dinja għadu mweġġa’ wara li weġġa’ l-irkoppa l-leminija f’Shanghai x-xahar l-ieħor.
Nishikori jingħaqad ma’ Novak Djokovic, Rafael Nadal, Roger Federer, Alexander Zverev, Kevin Anderson, Marin Cilic u Dominic Thiem fl-avveniment bejn tmienja fost l-aqwa. “Hi frustranti għalija li mhux se nikkompeti f’Londra,” qal Del Potro, li l-aħħar darba li lagħab f’dan it-tournament kien fl-2013. Minn dakinhar il-karriera tiegħu kienet dominata mill-injuries.
Hu kompla li dan hu tournament speċjali ħafna u prova minn kollox biex l-irkoppa tkun aħjar. Il-proċess ta’ rijabilitazzjoni hu li jagħmel progress, iżda sostna li jrid aktar ħin. Hu qal li hu diżappuntanti għalih bħalissa, iżda saħaq li kellu staġun tajjeb.
