Ingliża ta’ 68 sena residenti Marsaskala nstabet mixħuta mal-art wara li allegatament waqgħet.
Il-każ seħħ il-Ħadd għall-ħabta tal-kwarta hekk kif intalbet l-assistenza medika fi Triq ix-Xatt.
Fuq il-post marret ambulanza li ħadet lil vittma l-Isptar Mater Dei għal iktar kura. Hi ġiet iċċertifikata li qiegħda ssofri minn ġrieħi ta’ natura serji.
L-investigazzjonijiet tal-Pulizija għadhom għaddejjin.
