Raġel ta’ 58 sena isofri minn ġrieħi serji wara li waqa’ għoli ta’ madwar sular minn fuq sellum f’Ħal Qormi.
Il-każ seħħ il-bierah għall-ħabta ta’ 6pm hekk kif ir-raġel residenti l-Mosta ddaħħal l-Isptar Mater Dei. Hu kien qed jaħdem f’maħżen li jinsab fi Triq il-Kaċċatur, Ħal Qormi.
Fuq il-post issejħet ambulanza li ħadet lir-raġel l-Isptar Mater Dei għall-kura.
Bil-każ ġiet infurmata l-Maġistrat tal-Għassa Yana Micallef Strafrace li ħatret diversi esperti sabiex jassistuha fl-inkjesta li ġiet appuntata.
L-investigazzjonijiet tal-Pulizija dwar dan l-inċident għadhom għaddejjin.
//= $special ?>