Novak Djokovic kompla fit-triq li jirbaħ il-Finali ATP għas-sitt darba u jilħaq lil Roger Federer, wara li għeleb lil Alexander Zverev 6-4, 6-1 biex jinsab pass bogħod mis-semifinali. Is-sid numru wieħed tad-dinja li ħa post Rafael Nadal fil-quċċata, kellu staġun mill-aqwa bir-rebħ ta’ Wimbledon u l-Open tal-Istati Uniti, kif ukoll titli f’Cincinnati u Shanghai.
Qabel dan il-konfront, it-tnejn lagħbu darbtejn kontra xulxin, b’Zverev jirbaħ fil-Masters ta’ Ruma s-sena l-oħra qabel Djokovic rebaħ fis-semifinali ta’ Shanghai aktar kmieni din is-sena.
Zverev li għeleb lil Marin Cilic fl-ewwel logħba, żamm ir-ritmu mas-Serb b’service b’saħħtu fl-ewwel set. Zverev salva żewġ set points iżda għamel double-fault meta kien qed jipprova jsalva t-tielet wieħed.
Fit-tieni sessjoni, Djokovic mar 3-1 minn fuq, u minn hemm għalaq il-logħba biex rebaħ f’siegħa u 16-il minuta. Djokovic javvanza għall-fażi tan-knock-out għat-tmien darba jekk John Isner għeleb lil Marin Cilic jew jekk Cilic jegħleb lil Isner fi tliet sets.
