– Simon Busuttil, PN
Id-deputat Nazzjonalista Simon Busuttil qal li l-istorja ta’ 17 Black hi storja ta’ tradiment tal-fiduċja tan-nies.
Fil-parlament, Simon Busuttil qal li qabel l-elezzjoni tal-2013, Joseph Muscat kien juża’ kliem sabiħ fuq il-kontabbiltà, ir-responsabbiltà politika u l-governanza tajba.
Joseph Muscat rikeb fuq il-kontijiet tad-dawl u l-ilma u qal li kien se jibni poer station ġdida. Kien semma’ wkoll skandlu kbir li kienu jgħidu li kien jeżisti; l-iskandlu taż-żejt. Muscat kisser nies bħal Tonio Fenech bl-arloġġ tal-lira. Hekk arloġġ tal-lira qed jieħdu huma llum! L-ebda persuna ma tressqet fuq korruzzjoni fuq dan il-każ.
Muscat kien neħħa wkoll lil Anġlu Farrugia minn Deputat Mexxej Laburista Fi Frar 2013, Anġlu Farrugia kien ta twissija u kien qal li fil-PL qed javviċinaw ċertu nies min-negozju kbir. Anġlu Farrugia kien qal ukoll li kien jibża’ mill-korruzzjoni.
Illum qed nifhmu kollox, sostna Simon Busuttil, li kompla li l-proposta għal power station ġida kienet waslet ukoll għand il-PN. Din tinvolvi l-istess nies u l-istess tip ta’ power station. Din il-proposta tinkludi wkoll tanker tal-gass. Qabel l-elezzjoni 2013 Muscat ma semmiex it-tanker tal-gass ida wara tfaċċa t-tanker tal-gass eżatt kif pproponewlu.
Wara l-elezzjoni tal-2013, Muscat raħħas il-kontijiet tad-dawl u l-ilma qabel bdiet tinbena l-power station il-ġdida. Il-PN kien spjega li l-pajjiż ma kellux bżonn power station ġdida u kien qal li qed ixomm riħa ta’ korruzzjoni. Il-gvern poġġa lil Brian Tonna fil-Bord tal-Għażla u taw garanzija ta’ €360 miljun minn flus il-poplu. Illum hemm investigazzjoni fuq dan il-proċess; l-Oppożizzjoni ilha tliet snin tinsisti biex din l-inkejesta titlesta. L-għażla tal-PN kienet l-interconnector.
Ftit jien wara l-elezzjoni Brian Tonna talab lil Mosack Foneska biex jirreġistra l-kumpanija Harnville għall-Ministru Konrad Mizzi, l-kumpanija Tillgate għal Keith Schembri u l-kumpanija Egrant li ma nafux ta’ min hi. Il-Prim Ministru suppost isir jaf ta’ min hi Egrant jekk jistaqi lil Brian Tonna.
Fil-BVI kienet reġsitrata kumpanija oħra f’isem Chen Chen li miegħu Konrad Mizzi innegozja biex ibigħ il-power station. Fl-2015 ikkonkludew il-kuntratti fuq il-power station, biegħu terz liċ-Ċiniżi, biegħu il-power station liċ-Ċiniżi, fetħu trusts fi New Zealand u pprovaw jiftħu isibu banek għall-kontijiet tagħhom inkluż f’Dubaj.
Fi Frar 2016 Daphne Caruana Galizia kixfithom. Sa Frar 2016 kellna nistreħu fuq il-gideb ta’ Keth Schembri u Konrad Mizzi. Ma nafx kemm se jdħallu flus fohom u mingħand min iżda l-Prim Ministru kien jaf. Il-Prim Ministru ebda jiddefendhieom u nrexxielhom jikkonvinċu li m’ hemm xejn ħażin għax ma kinux għaddew flus. Marru għall-elezzjoni meta misshom irriżenjaw kollha għax posthom mhux fil-politika. Marru għall-elezzjoni biex jipprovaw jgħattu d-dnubiet tagħhom Dan minkejja li diġà jafu kollox; dak li issa l-poplu MAltisar jaf wara sentejn u nofs. Għalihom ir-rebħa elettorali kienet mod ta’ kif jeħilsu mill-ġustizzja.
Issa l-istampa ingħalqet għax dawn huma l-fatti. L-ewwel inkifxu b’kumpanija sigrieta fil-Panama, inkixfu li se jdaħħlu €150,000 fix-xahar għal total ta’ €5,000 kuljum u li l-flus se jġibuhom mingħand Yorgen Fenech, is-sid tal-power station. Dawn riedu jisirqu minn fuq il-kontijiet tad-dawl u l-ilma. Kellhom il-pjan li mir-roħs tal-kontijiet idaħħlu €5,000 fil-but.
Sion Busuttil kompla li dawn huma fatti li għandhom jikkundannaw lil Konrad Mizzi u Keith Schembri. Għaliex għadu ma sar xejn? Għaliex Konrad Mizzi u Keith Shembri għadhom hemm? Għaliex il-rpoeġġti ta’ Keith Schembri u Konrad Mizzi għadhom mhux investigati fosthom il-bejgħ tal-isptarjiet u t-trsaferiment tal-art tal-ITS?
Simon Busuttil kompla li bilfors riedu t-tanker f’Marsaxlokk, il-Prim Ministru baqa’ jiddefendihom,neħħew lil Godfrey Farrugia minn Ministru tas-Saħħa u poġġew lil Konrad Mizzi u qed joġġezzjonaw għal inkjesta. Il-Prim Ministru ilu jaf sentejn u nofs iżda m’għamel xejn. Għalhekk hu responsabbli politikament iżda żammhom fil-kariga anki wara li reġa’ rebaħ l-elezzjoni. Il-Prim Ministru ma jistax ineħħihom, żamm lill-awtoritajiet milli jieħdu passi u saħansitra qed jappella fil-Qorti biex ma ssirx inkjesta.
Simon Busuttil qali hemm livell ta’ kompliċita kriminali min-naħa tal-Prim Ministru, li qed jostakola l-ġustizzja; f’pajjiżi barranin din hi reat kriminali
