Numru ta’ uffiċjali tal-Pulizija kif ukoll Suldati mill-Explosive Ordnance Disposal, issejħu ftit metri bogħod miċ-Ċentru Nazzjonali Laburista fuq suspett ta’ splussiv ma’ vettura li kienet ipparkjata.
Net News jinsab infurmat li sid il-karozza mar għall-vettura tiegħu ftit wara l-5:00PM u sab li xi ħaġa kienet differenti minn kif ħalliha iktar kmieni.
Kien hawn li għamel rapport lill-Pulizija, f’liema rapport avżahom ukoll li kien irċieva wkoll theddida.
Fid-dawl ta’ dan, il-Pulizija għalqu parti konsiderevoli mit-triq filwaqt li ma ħallewx lil sidien ta’ vetturi oħra fl-inħawi jaċċessawhom u lanqas lil residenti taż-żona li ma tħallewx jidħlu fid-djar tagħhom.
Net News jinsab infurmat li fl-inħawi hemm diversi kameras tas-sigurtà li mistennija jghinu fl-investigazzjonijiet
