Is-Sibt li għadda, ċiklist Malti li l-identità tiegħu mhix magħrufa, kellu inċident f’Taormina, meta ħofor fl-art wasslu biex tilef il-kontroll u waqa’. Fortunatament hu ma sofriex ġrieħi serji. Ftit qablu, ċiklist Taljan ta’ 41 sena spiċċa l-isptar wara inċident li seħħ fl-istess triq. Dan tal-aħħar spiċċa ħażin hekk kif mal-impatt inkisirlu l-helmet u sofra wkoll ġrieħi f’rasu.
Iżda l-kontroversja bdiet mumenti wara li seħħ l-inċident, meta waqt li l-Malti kien għadu lanqas ittella’ fl-ambulanza ngħata multa ta’ €41 mill-Pulizija li marru fil-post. Minuti wara, fl-isptar wasal iċ-ċiklist Taljan, bil-Pulizija li ġew infurmati li kien rikoverat. Kien hawn li uffiċjal tal-Pulizija ntbagħat l-isptar stess biex itih multa wkoll. Dan hekk kif ġew akkużati li “ma naqqsux il-veloċità jew waqfu b’tali mod li jevitaw sitwazzjoni ta’ periklu, minkejja li kien hemm sinjal ta’ periklu u tabella ta’ veloċità massima ta’ 30 kilometru fis-siegħa.
Skont siti tal-aħbarijiet fl-Italja, kien il-Malti li ċempel in-numru tal-emerġenza lokali kif ukoll lill-Pulizija, iżda eventwalment irrifjuta li jitla’ fl-ambulanza.
Sors: Sikily News
