Il-Ministru Helena Dalli, bħal sħabha, tinħeba wara l-iskuża tal-inkjesta
Aktar membri tal-Kabinett Laburista qed jidhru skomdi immens quddiem l-iskandlu 17 Black, b’Helena Dalli tkun l-aħħar minn sensiela ta’ Ministri li toħroġ għonqha għal Konrad Mizzi u Keith Schembri.
Dalgħodu, saqsejna lil Helena Dalli min se jerfa’ r-responsabbilta’ politika fuq il-fatti li ħarġu fl-aħħar jiem dwar 17 Black.
Bħall-kollegi tagħha, anke l-Ministru Dalli skomda tlissen il-kelma 17 Black, u spiċċat tattakka lill-media.
