GUDJA U ………………….. 1 SANTA LUCIA ………….. 1
Gudja: F. Tabone, L. Martinelli, J. Bondin, M. Bonnici, M. Attard, F. Aboulezz, S. Diacono, J. Lima, J. Farrugia, A. Marshall, R. Kooh Sohna
Santa Lucia: R. Caruana, M. Caruana, N. Spiteri, J. Usuga, P. Lapira (M. Desira Buttigieg 67’), K. Ante Rosero (I. de Rocha Souza 73’), A. Martinelli, B. Paiber, J. Teixeira Maia, L. Galea, N. Borg
Referee: Fyodor Zammit
Santa Lucia reġgħu jinsabu waħedhom fil-quċċata tal-kampjonat minkejja li spiċċaw fi draw ta’ 1-1 kontra Gudja United f’konfront bejn żewġ timijiet promossi iżda li t-tnejn sejrin tajjeb fil-kampjonat.
Jackson Lima ħoloq l-ewwel azzjoni tal-logħba wara ħames minuti bi free-kick minn pożizzjon ċentrali li għadda ftit barra. Kellhom jgħaddu nofs siegħa logħob biex Santa Lucia ħolqu azzjoni fil-lasta avversarja. Kevin Ante Rosero qassam lejn Brandon Paiber iżda x-xutt tiegħu ġie salvat minn Frederick Tabone.
Azzjoni tajba ta’ Gudja ħames minuti minn tmiem l-ewwel taqsima. Shalon Diacono għadda tajjeb minn beda żewġ plejers u kkrossja lejn Mauro Bonnici mill-kaxxa, iżda x-xutt tal-aħħar ġie mxellef fil-ħin.
Santa Lucia kienu aktar aggressivi fl-ewwel parti tat-tieni taqsima u fit-48 minuta xutt ta’ Paul Lapira għadda għoli. Iżda kienu Gudja li fetħu l-iskor fis-66 minuta b’JACKSON LIMA jegħleb lil Ryan Caruana bi free-kick dirett.
Ir-reazzjoni ta’ Santa Lucia waslet biex ġabu d-draw fid-79 minuta. Frederick Tabone salva parzjalment ix-xutt mill-bogħod ta’ Jackson Usuga, bis-sostitut MATTEO DESIRA BUTTIGIEG ikun pront biex skorja mill-viċin. Fl-aħħar minuti kienu Santa Lucia li marru viċin ir-rebħa, b’Jurgen Farrugia jbiegħed minn fuq il-linja xutt fil-baxx ta’ Jean Teixeira Maia, u ftit sekondi wara xutt tas-sostitut Igor de Rocha Souza ħabat mal-mimduda.
Klassifika wara d-disa’ ġurnata: Santa Lucia 19-il punt, Sirens 18-il punt, Gudja United 14-il punt, Lija Athletic 13-il punt, Swieqi United 13-il punti, Vittoriosa Stars 13-il punt, Żebbuġ Rangers 13-il punt, Pembroke Athleta 12-il punt, Mqabba 12-il punt, Qrendi 11-il punt, Naxxar Lions 11-il punt, Żejtun Corinthians 8 punti, Marsa 5 punti, San Ġwann 3 punti
Finalment tasal l-ewwel rebħa għal San Ġwann
ŻEBBUĠ R…………. 0 SAN ĠWANN…….. 1
Żebbuġ: J. Borg, D. Fava, R. Vella, H. Vella, D. Pace, S. Buhagiar, A. Curmi, T. Rodrigo dos Santos, C. Brincat, J. Caetano da Silva, J. Farrugia
San Ġwann: M. Mestrovic, J. Azzopardi, R. Zammit, A. Cachia, A. Borg (A. Abela 88’), G. Zammit, C. Gauci, K. Gatt, J. Tanti (K. Bailey 90’), P. Kanzurov (N. Abouhaisa 75’), N. Melo Ferreira
Referee: Timothy Frank Reoch (Ġibiltà)
Wara tmien telfiet konsekuttivi, waslet finalment l-ewwel rebħa għal San Ġwann li għelbu lil Żebbuġ Rangers. Fl-ewwel taqsima l-logħob kien bilanċjat iżda ż-żewġ gowlkipers ftit kienu impenjati.
L-ewwel azzjoni denja spiċċat biex kienet deċiżiva hekk kif fis-37 minuta San Ġwann skorjaw l-uniku gowl tal-logħba. Xutt ta’ PETAR KANZUROV kien imxellef minn plejer ta’ Żebbuġ u spiċċa fix-xibka minkejja t-tentattiv ta’ Borg li jsalva il-ballun.
Żebbuġ ħarġu jfittxu l-gowl fit-tieni taqsima u fis-57 minuta Joseph Farrugia laqat in-naħa ta’ barra tax-xibka. Ftit wara Mestrovic salva daqqa ta’ ras ta’ Clive Brincat u ftit wara l-gowlkiper ta’ San Ġwann reġa’ salva din id-darba fuq xutt ta’ Thiago Rodrigo dos Santos. Fit-68 minuta waslet azzjoni oħra ta’ Żebbuġ b’xutt minn tarf il-kaxxa ta’ Hubert Vella li għadda ftit għoli.
Ħames minuti wara, l-akkwist il-ġdid ta’ San Ġwann Gianluca Zammit prova b’azzjoni personali min-nofs il-grawnd u minkejja li kien issikkat wasal għal xutt li iżda ġie blokkat. B’Żebbuġ ifittxu l-gowl tad-draw, kienu aktar skoperti fid-difiża. Fil-ħin miżjud San Ġwann setgħu għalqu l-logħba qabel meta f’kontrattakk Nezar Abouhaisa qassam lejn Gianluca Zammit iżda dam biex ikkonkluda u kien antiċipat.
Lija jirbħu wara kważi logħba sħiħa bi plejer anqas
MARSA………………… 0 LIJA A…………………. 3
Marsa: K. Brincat, M. Busuttil, S. Eboh (P. Anizoba 59’), R. de Fex Marriaga, M. Gauci, S. Darmanin (R. Gafà 70’), A. Seret, E. Cutajar, N. Micallef, A. Agius, L. Chiedozie
Lija: Z. Valletta, C. Cassar, P. Borg, E. Beu, A. Sammut, A. Borg, D. Scerri, A. Bello Osagie (K. Kuroki 83’), P. Soares Gusso, R. Sammut (D. Mintoff 65’), A. Azzopardi (N. Bugeja 72’)
Referee: Philip Farrugia
Minkejja li lagħbu ħafna mil-logħba b’għaxar plejers, Lija Athletic irnexxielhom joħorġu mil-logħba bit-tliet punti meta għelbu lil Marsa 3-0, biex b’hekk irritornaw għar-rebħ u nqatgħu ftit miż-żona tar-relegazzjoni. Lija kellhom bidu aħjar fl-ewwel minuti tal-logħba, iżda kellhom jilagħbu kważi logħba sħiħa b’raġel anqas meta fit-12-il minuta tkeċċa d-difensur Patrick Borg wara li waqqa’ lil Lawrence Chiedozie li kien dieħel fil-kaxxa.
Minkejja l-inferjorità numerika, Lija kienu aktar perikolużi u fit-22 minuta Aaron Sammut prova b’xutt minn pożizzjoni angolata li għadda ftit għoli. Ċans tajjeb għal Marsa minuta wara b’Chiedozie jfalli bi ftit wara li l-gowlkiper Zach Vallett ma żammx free-kick ta’ Aaron Agius.
Marsa laqtu l-lasta fil-31 minuta b’xutt ta’ Sean Darmanin li laqat il-mimduda. Żewġ minuti wara Lija kellhom ċans tad-deheb li jiftħu l-iskor meta r-referee Philip Farrugia ordna penalty għal fawl fil-kaxxa ta’ Aaron Agius fuq Erjon Beu. L-istess Beu ħa l-inkarigu mill-11-il metru iżda x-xutt tiegħu ħabat mal-wieqfa.
Iżda minuta minn tmiem l-ewwel taqsima, Lija marru fil-vantaġġ b’azzjoni tajba ta’ ABUBAKAR BELLO-OSAGIE li għadda bejn żewġ avversarji u wara li x-xutt ġie salvat parzjalment minn Keith Brincat, il-ballun reġa’ spiċċa f’saqajh u skorja. Lija kellhom bidu mill-aqwa għat-tieni 45 minuta u rduppjaw wara erba’ minuti meta reġa’ kien ABUBAKAR BELLO-OSAGIE li għeleb lil Brincat wara li l-ballun ħa direzzjoni differenti minn dak mistenni.
Marsa marru viċin tliet darbiet li jidħlu fil-logħba, l-ewwel b’xutt ta’ Sean Darmanin fis-66 minuta li għadda ftit għoli, biex ħames minuta wara kien Pedro Luiz Gusso li biegħed minn fuq il-linja daqqa ta’ ras tas-sostitut Peter Anizoba. Fit-82 minuta xutt bid-dawra minn tarf il-kaxxa ta’ Chiedozie li għadda ftit għoli. Iżda Lija neħħew kull dubju mit-tliet punti fil-ħin miżjud meta Keith Brincat salva mingħajr żamm xutt ta’ Erjon Beu, b’ANTOINE ELLUL jiskorja mir-rebound.
