Il-plejer ta’ Marsa White Stars Ricardo Severino rebaħ l-unur tal-Plejer tax-Xahar għal Ottubru. Hu ġie ppreżentat l-unur mill-Uffiċjal Kap tal-Iżvilupp fin-Negozju ta’ MAPFRE MSV Life kif ukoll mill-President ta’ Masters Football Malta Mario Meli.
Severino mwieled fil-Brażil, beda jilgħab ma’ Fgura United fl-istaġun 2012/2013. Fil-karriera tiegħu hu lagħab ukoll ma’ Lija Athletic, Oratory Youths kif ukoll Swieqi United. Hu jilgħab fil-Kampjonat tal-Masters għal dawn l-aħħar sentejn u beda ma’ Mosta.
F’dan l-istaġun issieħeb ma’ Marsa u diġà għenhom biex jirbħu t-tournament tal-pre-season. Sa issa reġa’ qed jispikka u bħalissa hu l-aqwa skorer tal-kampjonat.
