BALZAN…………….. 5 QRENDI……………… 1
Balzan: S. Mintoff, D. Camilleri, L. Micallef (Y. Miyamoto 58’), S. Bezzina (G. Camilleri 46’), H. Ascroft, M. Johnson, I. Bozovic, C. de Fiori Mendes, R. Correa, M. Lepovic (S. Cipriott 63’), A. Majdevac
Qrendi: J. Farrugia, D. Micallef, M. Farrugia (Z. Bowman 43’), B. Bondin, M. Reid (R. Dalli 76’), C. Caruana (K. Abela 65’), N. Falzon, J. Spiteri, J. Pedro Vargas, C. Quaranta, J. Silva
Imwissija: M. Farrugia 38’, C. Caruana 45’, C. Quaranta 51’ (Q), M. Lepovic 57’, D. Camilleri 61’
Skorjaw: C. de Fiori Mendes 10’, A. Majdevac 17’, 43’, 72’, R. Correa 30’ (B), C. Quaranta 24’ (Q)
Referee: Matthew De Gabriele
Assistenti Referees: Luke Portelli, Duncan Spencer
Balzan urew ir-rabja tagħhom għad-diżappunti sa issa fil-kampjonat b’rebħa kbira ta’ 5-1 fuq it-tim tal-Ewwel Diviżjoni Qrendi. Huma jkunu jafu l-avversarji tagħhom illum b’Gudja United jilagħbu kontra t-tim Għawdxi Xewkija Tigers.
It-tim ta’ Marco Micovic mar fuq quddiem wara għaxar minuti fl-ewwel azzjoni denja tal-logħba. Jeffrey Farrugia salva parzjalment xutt minn pożizzjoni angolata ta’ Riccardo Correa, bil-ballun jispiċċa għand CARLOS EDUARDO DE FIORI MENDES li skorja b’xutt fil-baxx.
Balzan qatlu mill-ewwel il-logħba hekk kif irduppjaw mal-kwarta logħob b’Correa jgħaddi l-ballun ‘l quddiem lejn ANDRIJA MAJDEVAC li kien f’pożizzjoni tajba u ma żbaljax minn quddiem Farrugia. Qrendi reġgħu fetħu ftit il-logħba fl-24 minuta f’azzjoni li bdiet min-nofs il-grawnd, bil-ballun jispiċċa għand CIRO QUARANTA li minn quddiem Mintoff għeleb lil Sean Mintoff b’xutt għar-rokna.
Iżda Balzan prattikament assiguraw mir-rebħa man-nofs siegħa logħob meta skorjaw it-tielet gowl. Lydon Micallef prova jixxuttja fil-lasta u minkejja li x-xutt kien żbaljat, spiċċa fid-direzzjoni ta’ RICARDO CORREA li daħal żmarkat u skorja t-tielet gowl.
Il-Balzanin għamluhom 4-1 fit-43 minuta b’passaġġ ta’ Ivan Bozovic. Bjorn Bondin prova jbiegħed il-ballun iżda spiċċa għand ANDRIJA MAJDEVAC li xeħet wara Farrugia għat-tieni gowl personali.
Il-logħba kienet deċiża iżda l-andament fit-tieni taqsima baqa’ l-istess, bit-tim ta’ Balzan jikkontrolla aktar il-logħba b’ċertu kalma. Fis-56 minuta Farrugia dawwar f’korner xutt b’saħħtu ta’ Correa u fit-72 minuta l-iskor sar 5-1. De Fiori Mendes tefa’ ballun fil-kaxxa minn free-kick, li spiċċa għand ANDRIJA MAJDEVAC li għeleb lil Farrugia b’daqqa ta’ ras u għaqqad it-tripletta.
Qrendi baqgħu jippruvaw biex jagħmlu l-iskor ftit rispettabbli u fit-83 minuta Sean Mintoff salva f’darbtejn xutt mid-distanza ta’ Quaranta.
SIĠĠIEWI…………… 1 MELITA……………… 3
Siġġiewi: C. Caruana, I. Darmanin, K. Buhagiar, A. Ebejer, M. Nikolic, E. Bugeja, J. Camilleri (I. Pace 70’), A. Caruana, J. Magri (N. Caruana 70’), J.P. Formosa (N. Schembri 86’), J.N. Azzopardi
Melita: J. Spiteri, D. Cutajar, T. Naudi, J.P. Attard, K. Mohnani (I. Zammit 63’), A. Borg Olivier (A. Attard 85’), A. Borg Hedley (A. Sant 72’), L. Mifsud, J. Abela, E. Cornago, L. Grech
Imwissija: J.N. Azzopardi 39’, E. Bugeja 52’, M. Nikolic 60’, I. Darmanin 86’ (S), J.P. Attard 58’, T. Naudi 69’, L. Grech 76’, E. Cornago 77’ (M)
Skorjaw: L. Mifsud 41’, 83’, K. Mohnani 66’ (M), K. Buhagiar 76’ (S)
Referee: Daniel Portelli
Assistenti Referees: Jareth Grima, Charles Vassallo
Melita jirbħu l-konfront kollu tat-Tieni Diviżjoni 3-1 kontra Siġġiewi. Qabel il-konfront Melita bdew favoriti li jirbħu u żammew mal-previżjoni hekk kif kienu aktar kreattivi mill-avversarji tul il-partita.
L-ewwel azzjoni għal Siġġiewi waslet fis-37 minuta bi free-kick ta’ Kim Buhagiar li minnu l-gowlkiper Jozef Spiteri kien attent biex dawwar f’korner. Melita marru fil-vantaġġ tliet minuti wara meta minn kross ta’ Liam Grech, kien LUKE MIFSUD li b’daqqa ta’ ras mill-qrib għeleb lil Clive Caruana.
Melita rduppjaw fit-63 minuta meta Alan Borg Olivier tefa’ kross lejn KARL MOHNANI li f’lasta prattikament vojta għeleb lil Caruana. Siġġiewi pruvaw jidħlu fil-logħba fl-74 minuta bi free-kick ta’ Kim Buhagiar li kien salvat minn Jozef Spiteri. Dan seħħ erba’ minuti wara bi free-kick ieħor mogħti minn KIM BUHAGIAR li din id-darba spiċċa fir-rokna tax-xibka.
Iżda Melita serrħu rashom mill-kwalifikazzjoni fit-83 minuta meta kien Borg Olivier li għal darba kkrossja lejn LUKE MIFSUD li għeleb lil Caruana b’daqqa ta’ ras.
