Jason Sciberras rebaħ l-avveniment tas-skeet organizzat mill-Federazzjoni Maltija tal-Isparar. Flimkien miegħu fuq il-podju kien hemm ibnu Liam Sciberras, b’Jason Agius itemm fit-tieni post. Dan l-avveniment kien organizzat fuq 50 plattina skeet bl-ewwel sitt tiraturi jikkwalifikaw għall-istadji finali.
David Gatt kien l-ewwel tiratur eliminat fil-fażi finali wara li laqat 10 plattini, b’Matthias Azzopardi jolqot 12 u 15-il plattina biex kien eliminat warajh. Id-distakk bejn Ben Attard u t-tliet tiraturi kien wisq u kien eliminat fit-tielet rawnd wara li reġa’ laqat l-anqas.
Liam Sciberras u Jason Agius laqtu t-tnejn 35 plattina iżda minħabba riżultati aħjar fir-rawnd preċedenti, Sciberras kien eliminat. Il-finali b’hekk kienet kontestata minn Jason Sciberras u Jason Agius, b’tal-ewwel juri s-superjorità meta reġa’ laqat aktar mill-avversarju.
Klassi A: Ben Attard 40/50, Jason Sciberras 40/50
Klassi B: Jason Agius 42/50, Liam Sciberras 40/50
