Lokali

Maratona tal-isparar organizzata b’risq l-Istrina

Għall-10 sena konsekuttiva, matul il-ġurnata tas-Sibt il-Malta Police Target Shooting Club organizza maratona tal-isparar, bil-qligħ kollu jmur għall-Istrina.

Dawk li attendew ingħataw iċ-ċans li jidħlu ġewwa s-shooting range f’Ta’ Kandja, fejn ingħataw arma tan-nar u flimkien ma’ numru ta’ pulizija li kienu qed jassistu kull individwu, setgħu jisparaw għall-mira li kellhom.

Net News tkellem mal-Ispettur Renie Stivala li spejgalna iktar fid-dettal dwar din l-attività.

Dawk li attendew setgħu jassistu għad-diversi sessjonijiet ta’ sparat li saru. Wieħed seta’ wkoll jixtri diversi oġġetti li kien hemm għall-bejgħ bil-qligħ kollu jmur għall-Istrina.

Dawk li attendew intalbu li jgħatu donazzjoni ta’ €10, bil-flus kollha li nġabru se jingħataw fl-Istrina, propju l-għada tal-Milied.

Ritratti: Matthew Tabone