Id-difensur ta’ Manchester United Chris Smalling iffirma kuntratt li se jżommu mal-klabb sa Ġunju tal-2022, b’għażla ta’ sena oħra. Smalling ingħaqad mar-Red Devils mingħand Fulham f’Lulju tal-2010 wara żewġ staġuni pożittivi ma’ Fulham.
Smalling li għandu 29 sena lagħab aktar minn 200 logħba ma’ Manchester United u jekk jibqa’ sa tmiem il-kuntratt tiegħu, l-Ingliż ikun ilu 12-il sena jilgħab f’Old Trafford. Wara li ffirma l-kuntratt, Smalling qal li hu ta’ unur għalih li jilgħab ma’ Manchester United u saħaq li huma kollha konċentrati għal dan il-perjodu ta’ logħob impenjattiv.
Smalling lagħab 31 logħba mat-tim nazzjonali Ingliż, iżda tħalla barra mill-iskwadra Ingliża ta’ Gareth Southgate għat-Tazza tad-Dinja u għadu ma sabx post fit-tim nazzjonali minn dakinhar.
