Milan naqsu li jiftħu vantaġġ ta’ erba’ punti fuq Lazio meta kienu miżmuma fi draw ta’ 0-0 minn Bologna, f’riżultat li ma kkuntenta lil ħadd. B’dan il-punt Bologna għadhom fiż-żona tar-relegazzjoni.
Il-logħba ftit offriet spettaklu u emozzjonijiet, bit-tim ta’ Bologna jattakka ftit fl-aħħar minuti wara li kienu b’superjorità numerika minħabba li tkeċċa Tiemoue Bakayoko fis-76 minuta minħabba żewġ karti sofor fi tliet minuti. Saħansitra lejn it-tmiem kellhom żewġ okkażjonijiet li fihom Bologna setgħu kisbu t-tliet punti.
