Taljana ta’ 22 sena dalgħodu sofriet xi ġrieħi gravi wara li sfat imtajra f’Birkirkara. L-inċident seħħ fi Triq Dun Karm għall-ħabta tad-9.00am.
It-tfajla li tgħix l-Iklin intlaqtet minn vettura li kienet qed tinstaq minn żagħżugħ ta’ 21 minn Birkirkara.
Fuq il-post marru l-Pulizija, kif ukoll ambulanza li ħadet lill-mara l-isptar Mater Dei.
L-investigazzjonijiet tal-Pulizija dwar dan l-inċident għadhom għaddejjin.
