Ħadd ma weġġa’ meta matul il-lejl ta’ bejn il-Ħamis u l-Ġimgħa, nar qered għalkollox vann tat-tip Mitsubishi.
Residenti fi Triq il-Qaliet, spjegaw lil Net News li kien għall-ħabta tas-sagħtejn neqsin għoxrin ta’ filgħodu li qamu maħsuda b’ħoss ta’ splużjoni.
Fil-post intbagħtet magna tat-tifi tan-nar b’uffiċjali tal-Protezzjoni Ċivili jirnexxielhom jikkontrollaw in-nirien li fortunatament ma nfirxux.
