Il-Ġappun ħareġ mill-Kummissjoni Internazzjonli għall-ħarsien tal-Baleni l-IWC sabiex ikun jista jerġa jibda’ l-kaċċa għall-baleni bi skopijiet kummerċjali.
Sa issa l-Ġappun kien ingħata l-permess li jikkaċċa ftit mijiet ta’ baleni għal skopijiet ta’ riċerka. Il-biċċa l-kbira ta’ dawn il-baleni kienu tar-razza Minke. Dawn il-baleni jinsabu fl-Antartiku fejn il-Ġappun kien qed iwettaq ir-riċerka.
Iżda issa dan il-pajjiż għadu kemm ħabbar li se jkun qed joħrog minn din il-kummissjoni. Dan ifisser li l-Ġappun issa ma jkollu xejn xi jżommu milli jikkaċċa lil dawn il=-baleni ingħajr ebda restrizzjonijiet jew limiti fl-ibħra territorjali tiegħu.
Din hi aħbar ħażina ħafna hekk kif ir-razza ta baleni Minke li jinsabu fil-baħar tal-ġappun hija fil-periklu ta’ estinzjoni…dan hekk kif hu maħsub li fadal biss madwar mitt baleni ta’ din ir-razza. Din l-ispeċi diġa kienet f’xifer l-estinzjoni fis-sekli 19 u 20 wara kaċċa bla rażan mill-Ġappuniżi u r-Russi.
