Filwaqt li nnota b’dispjaċir “l-allegazzjonijiet malizzjużi li qed jiċċirkolaw fuq il-midja soċjali,” il-Kap tal-Oppożizzjoni u tal-Partit Nazzjonalista Adrian Delia ddikjara li se jkun qiegħed iżomm “mal-qbil milħuq fil-Qorti li ma jsirux kummenti pubbliċi dwar is-separazzjoni biex jipproteġi l-interess u l-benesseri ta’ wliedu.”
Fi stqarrija, Adrian Delia ddikjara hekk: “Bl-ebda mod ma jien se nċedi għal attentati malinni li jdawru din il-kwistjoni minn waħda personali għal waħda politika.”
Ninnota b'dispjaċir l-allegazzjonijiet li qed jiċċirkolaw fuq is-social media. Se nżomm mal-qbil fil-Qorti li ma jsirux kummenti pubbliċi dwar is-separazzjoni biex nipproteġi lil uliedi. Mhux se nċedi għal attentati li jdawru din il-kwistjoni minn personali għal politika.
— Adrian Delia (@adriandeliapn) December 29, 2018
