Ritratti li daħlu għand is-sit netnews.com.mt juru xi inġenji jqaċċtu s-siġar fi Triq Reġjonali, l-Imsida, bħala parti mill-“pjan ħolistiku” tal-Ministru Ian Borg biex iwessa’ dina t-triq.
Jidher li Infrastructure Malta għażlet li tagħmel dan minflok rilokat is-siġar għall-inħawi oħra biex dawn jiġu salvati.
Dan il-każ ta’ tqaċċit ta’ siġar, li jinsab eżatt fuq il-ġibjun tal-Wied tal-Imsida, huwa wieħed minn sensiela ta’ okkażjonijiet li l-Gvern ħataf biex iqaċċat is-siġar sempliċiment biex iwessa t-toroq, tant li ġabet reazzjoni qawwi mill-pubbliku kontra dan l-isfreġju ambjentali.
