Jieħu l-każ għand il-Pulizija
L-attur Malti fuq is-serje tant popolari fuq NET Television, ‘Miraklu’, Davide Tucci, sab ruħu f’nofs ħadma tal-Bitcoin mingħajr ma jaf.
Dan meta artiklu ppubblikat fuq facebook bħala riklam falz b’ritratt tiegħu jgħid li l-attur irnexxielu jiġġenera €2.3 miljun permezz ta’ Bitcoin trading platform wara li falliet.
F’post fuq is-sit tiegħu ta’ facebook, huwa saħaq li m’għandu xejn x’jaqsam ma’ din il-ħadma u wisq aktar qatt ma awtorizzat dan jew nvolva ruħu f’dan in-negozju onlajn.
Davide Tucci mistenni jirrapporta l-każ lis-Cybercrime Unit fi ħdan il-Korp tal-Pulizija sabiex inaddaf ismu minn din il-ħadma diżonesta u rringrazzja lil dawn kollha li għarrfuh b’dan.
