Tkompli l-avventura taż-żgħażagħ Maltin Helene Pellicano u Francesca Curmi li għaddew mal-aħħar tmienja fl-Open tal-Awstralja tal-Juniors fil-kategorija tad-doubles.
Francesca Curmi kienet fl-azzjoni mal-Franċiża Loudmilla Bencheikh u rkupraw minn set minn taħt biex għelbu lill-koppja ta’ Maria Krupenina u Daria Snigur 5-7, 7-6, 10-8.
Helene Pellicano flimkien mal-Ispanjola Marta Custic għaddew b’aktar faċilità meta għelbu 6-2, 6-4 lir-Russi Veronika Pepelyaeva u Avelina Sayfetdinova.
Għada jkunu ż-żewġ tennisti Maltin ikunu fl-azzjoni. Curmi u Bencheikh jilagħbu kontra l-koppja mit-Tajlandja Thasaporn Naklo u s-sid numru tnejn Mananchaya Sawangkaew. Pellicano u Custic jilagħbu kontra l-koppja Amerikana Chloe Beck u s-sid numru tmienja Emma Navarro.
