Ġie preżentat uffiċjalment il-proġett ta’ rinnovar tal-istadium Renato Dall’Ara tal-Bologna hekk kif ġie deskritt bħala taħlita eċċellenti bejn il-modern u l-antik.
Il-ground mistenni jesa’ 27,000 spettatur bil-President tar-Rossoblù Joey Saputo jisħaq li x-xejra arkitettonika li l-istadium għandu bħalissa ser tibqa mal-faċċata iżda, bħal ma jixhdu l-istampi, il-ground ser ikun immodernizzat kollu kemm hu.
Il-President spjega li x-xogħol mistenni jingħata bidu madwar sena u nofs oħra u kkalkula li jkun lest kompletament f’ħames snin. Dan kollu ser isir b’kollaborazzjoni mal-Comune di Bologna hekk kif ser joħorġu madwar €30 miljun.
