Il-ħalliel kien liebes kollox iswed
Il-Pulija qed tinvestiga serqa li seħħet ilbieraħ filgħaxija fi stabbiliment fi Triq il-Mosta, San Pawl il-Baħar.
Kienu għall-ħabta tad-9.30pm, meta raġel li kien liebes kollox iswed daħal f’ħanut b’arma tan-nar, u talab il-flus lill-kaxxiera. Ir-raġel ħarab mill-post b’ammont ta’ flus kontanti.
Ħadd ma weġġa’ f’dan il-każ.
Il-kaxxiera hi mara ta’ 62 sena li toqgħod San Pawl il-Baħar stess.
Il-Maġistrat tal-Għassa Natasha Galea Sciberras qed tmexxi inkjesta, filwaqt li l-investigazzjonijiet tal-Pulizija għadhom għaddejjin.
