Tul il-lejl illi għadda, Pulizija parti mill-Iskwadra ta’ kontra d-Droga arrestat raġel ta’ 43 sena u mara ta’ 40 sena miż-Żejtun, u żagħżugħ ta’ 21 sena minn Ħaż-Żabbar li kienu fil-pussess tad-droga suspettata kokaina.
Ir-raġel ta’ 43 sena nstab b’ammonti ta’ qratas kontenenti l-imsemmija droga li juri biċ-ċar li ma kinitx għall-użu esklussiv tiegħu.
Ir-raġel u l-mara ġew arrestati fi stabbiliment tad-divertiment ġewwa ż-Żejtun filwaqt li ż-żagħżugħ ġie arrestat Ħaż-Żabbar.
Il-persuni mistennija jitressqu l-Qorti fil-jiem illi ġejjin.
