Matul il-lejl li għadda, sewwieq ta’ mutur spiċċa ddaħħal l-Isptar wara ħabta kerha li seħħet fi Triq Testaferrata fl-Imsida.
L-inċident seħħ għall-ħabta ta’ nofs il-lejl, meta l-Pulizija kienu nfurmati b’ħabta bejn karozza Chevrolet u mutur tat-tip SWM RS300R. Il-karozza kienet misjuqa minn raġel ta’ 46 sena residenti Ta’ Xbiex, filwaqt li l-mutur kien misjuq minn Kroat li għandu 50 sena.
Il-Kroat ġarrab ġrieħi gravi u ttieħed l-Isptar Mater Dei b’ambulanza.
Il-Pulizija qed tinvestiga.
