ĦAMRUN S……….. 0 MOSTA……………… 1
Ħamrun: S. Cini, K. Micallef, M. Gauci, O. Nikolopoulos, E. Pepe, T. Caruana, S. Nayar (Con. Borg 76’), M. Criaco, C. Calil (R. Darmanin 80’), D. Moukanza, W. Domoraud
Mosta: A. Vella, D. Xuereb (J. Brincat 93’), D. Bonnici, T. Farrugia, R. Morisco, G. Cuomo, R. Ekani, A. Roach, Y. Cisotti, D. Imeri (Z. Brincat 90’), A. Darlington (K. Frendo 85’)
Imwissija: A. Darlington 41’, K. Micallef 43’, G. Cuomo 47’, Y. Cisotti 58’ (M), S. Nayar 70’ (Ħ)
Skorja: D. Imeri 73’ pen (M)
Tkeċċa: G. Cuomo 73’ (M)
Referee: Fyodor Zammit
Assistenti Referees: Roberto Vella, Duncan Spencer
Il-Mument Plejer tal-logħba: Yuri Cisotti (Mosta)
Attendenza: 1,016
Rapport: George Cassar
Gowl minn penalty fit-tieni taqsima ta rebħa importanti lil Mosta li permezz tagħha qabżu fit-tmien post daqs Tarxien Rainbows u fl-istess waqt ċaħħdu lil Ħamrun Spartans milli jitilgħu fit-tielet post. Il-logħba ħadet il-ħajja fit-tieni taqsima fejn fl-aħħar parti Mosta kienu aħjar u ħadu t-tliet punti li kien ħaqqhom.
Mosta żammew it-tradizzjoni ta’ kull logħba li jkollhom plejer ġdid fil-formazzjoni hekk kif ilbieraħ iddebutta l-Maċedonjan Demir Imeri li spiċċa biex skorja l-gowl deċiżiv.
Ħamrun ħassew ix-xogħol li jagħmel is-soltu Kevin Tulimieri li kien nieqes minħabba sospensjoni. Wara li fl-aħħar żewġ partiti ma sofriex gowl, Sean Cini żamm postu fil-lasti ta’ Ħamrun minkejja li għaddew iż-żewġ partiti sospensjoni tal-gowlkiper regolari Manuel Bartolo.
Fl-ewwel taqsima Ħamrun kellhom żewġ tentattivi bir-ras ta’ Donnell Moukanza li waħda ġiet salvata minn Andreas Vella u l-oħra marret għoli. Mas-siegħa logħob il-gowlkiper Sean Cini ħareġ barra l-kaxxa biex iwaqqaf lil Alexander Darlington bl-attakkant Mosti jaqa’ mal-kuntatt iżda r-referi ħalla l-logħob għaddej. Għoxrin minuta mit-tmiem Alexander Darlington ġie waħdu quddiem Sean Cini iżda l-gowlkiper Ħamruniż tar tajjeb u waqqaf ix-xutt tal-attakkant minn Wales.
Fit-72 minuta kien hemm l-episodju li ddeċieda fejn marru l-punti. Wara li Enrico Pepe tilef il-ballun fid-difiża, il-gowlkiper Sean Cini ħareġ jantiċipa lil Yuri Cisotti u waqqgħu bir-referì Fyodor Zammit jikkmanda penalty. Demir IMERI skorja l-penalty b’xutt imkaxkar li bagħat lill-gowlkiper Ħamruniż fuq in-naħa żbaljata.
Gianluca Cuomo mar jiċċelebra l-gowl quddiem il-partitarji Ħamruniżi li xi wħud minnhom tefgħu t-tazzi mimlijin fil-grawnd. Ir-referee wera t-tieni karta safra u l-ħamra lill-plejer Taljan,
Tmien minuti mit-tmiem is-sostitut Ryan Darmanin irċieva mingħand Wilfried Domoraud u għadda l-ballun minn ħdejn il-gowlkiper Andreas Vella iżda Tyrone Farrugia baqa’ jsegwi l-ballun u tajru qabel il-linja tal-gowl biex żamm it-tliet punti ta’ Mosta sal-aħħar.
