FLORIANA…………… 0 QORMI…………………. 1
Floriana: I. Akpan, E. Ruiz, B. Paiber (D. Agius 46’), J. Pisani. A. Cini, U. Arias, A. Oyama, E. Herrera (T. Galvao da Silva 46’), E. Cesani, E. Marcellina, L. Vieira Da Silva (T. Vella 60’)
Qormi: D. Cassar, D. Mensi, Y. Yankam, A. Rozzi, M. Micallef, M. Reggis (T. Gusman 60’), F. Gnindokponou (N. Ghio 90’), A. Abela, J. Lokando, M. Bangoura (I. Zammit 90+3’), R. Romeu
Imwissija: A. Cini 32’, E. Ruiz 45’, E. Cesani 77’(F), Y. Yankam 40’, A. Abela 50’, J. Lokando 52’, T. Gusman 75’, M. Micallef 76’ (Q)
Skorja: A. Rozzi 36’ (Q)
Referee: Trustin Farrugia Cann
Assistenti Referees: Alan Camilleri, Ivan Galea
Il-Mument Plejer tal-logħba: Antonio Rozzi (Qormi)
Attendenza: 514
Rapport: Luke Micallef
Gowl ta’ Antonio Rozzi ta t-tieni rebħa lil Qormi fi tliet logħbiet u kabbar il-problemi ta’ Floriana li ilhom mingħajr rebħa għal ħames logħbiet u jinsabu biss punt fuq il-play-offs. Fl-ewwel rawnd ta’ dan l-istaġun kienu Floriana li ħarġu rebbieħa bl-iskor ta’ 3-1 u fl-aħħar ħarġa tagħhom, Floriana kisbu draw kontra Birkirkara, filwaqt li Qormi kienu ġejjin minn telfa ta’ 2-1 kontra Valletta.
L-ewwel azzjoni denja waslet fit-13-il minuta meta Lucas Vieira ra x-xutt tiegħu jispiċċa ferm għoli mil-lasti ta’ David Cassar. Fid-19-il minuti l-Qriema tħassrilhom gowl fuq senjelazzjoni dubjuża ta’ offside.
F’din l-azzjoni minn xutt b’saħħtu ta’ Mateus Reggis, kien attent il-gowlkiper ta’ Floriana Ini Akpan u mir-rebound Freud Gnindokponou tefa’ fix-xibka. Fit-33 minuta, Qormi ngħataw free-kick li nkariga minnu Reggis, b’dan spiċċa ferm għoli mil-lasti ta’ Floriana.
Tliet minuti wara l-Qriema marru minn fuq. Azzjoni tajba ta’ ANTONIO ROZZI li daħal bil-ballun fil-kaxxa u ra x-xutt tiegħu mxellef mid-difensuri ta’ Floriana għal-lasta ta’ Akpan. Fil-41 minuta Arthur Oyama ra x-xutt tiegħu fil-baxx minn freekick jgħaddi ftit ‘l barra mil-lasti Qriema difiżi minn David Cassar u eżatt qabel tmiem l-ewwel taqsima, Qormi ngħataw free-kick li nkariga minnu Reggis bix-xutt tiegħu spiċċa mal-ġenb tax-xibka ta’ Akpan.
Mal-ftuħ tat-tieni taqsima, xutt fil-baxx ta’ Jurgen Pisani spiċċa ftit ‘il barra mil-lasti ta’ Cassar. Fis-57 minuta, Manolito Micallef ħarab bil-ballun u baqa’ dieħel fil-kaxxa ta’ Floriana, iżda x-xutt tiegħu ħabat mad-difensuri Furjaniżi u spiċċa barra f’korner. Kwarta mit-tmiem tal-partita, Arthur Oyama xxuttja bid-dawra, iżda l-ballun spiċċa fuq il-lasti ta’ Qormi. L-isforzi ta’ Floriana sabiex jiġbru punt minn dan il-konfront ma wasslu għal xejn.
