Denise Borda ta’ Żurrieq Wolves irreġistrat l-ewwel rebħa tagħha fis-serje tat-tlielaq fuq distanza ta’ 10 kilometri tal-House of Sport b’rebħa konvinċenti fit-tellieqa annwali magħrufa bħala l-Ladies Race. It-temp kien tajjeb għat-tellieqa li bdiet kmieni l-Ħadd filgħodu, bil-bidu u t-tmien ikun f’Tigne Point. B’kollox kien hemm madwar 120 parteċipant nisa li ħadu sehem.
Borda li għamlet xi żmien wieqfa minħabba li kienet imweġġa’, marret fuq quddiem fil-bidu tat-tellieqa. Anna Skinner ta’ Raptorz Running Club u Charyl Fava ta’ Agones SFC kienu jinsabu wara Borda. Skinner kienet l-aktar li żammet ir-ritmu ta’ Borda, f’rotta mimlija tlajja.
Denise Borda spiċċat rebbieħa fi 43 minuta u 58 sekonda, b’Skinner tidol erba’ sekondi wara filwaqt li Fava spiċċat fit-tielet post f’44 minuta u 35 sekonda. Id-Direttur tat-Tellieqa Charlie Demanuele ppreżenta l-premijiet lir-rebbieħa. It-tiġrija li jmiss tal-House of Sport 10k Series hi l-Edizzjoni tal-Mdina li se ssir il-Ħadd 14 ta’ April.
Riżultati
Kategorija Open
1. Denise Borda (Żurrieq Wolves)
2. Anna Skinner (Raptorz Club Running)
3. Charyl Fava (Agones SFC)
Grupp Età 30-34
1. Rebecca Fleming (Raptorz Running Club)
2. Maureeen Farrugia (Starmax)
3. Lorna Mifsud
Grupp Età 35-39
1. Joanna Camilleri (Pembroke Athleta)
2. Donatella Fenech (Ladies Running Club)
3. Cherylie Grech
Grupp Età 40-44
1. Davina Spriggs (Raptorz Running Club)
2. Denise Cuschieri
3. Karelle Vella (Ladies Running Club)
Grupp Età 45-49
1. Alison Tabone
2. Audrey Craig (Ladies Running Club)
3. Fiona Vassallo
Grupp Età 50-54
1. Miriam Abela Orland (Agones SFC)
2. Victoria Fenech Buontempo (Ladies Running Club)
3. Claire Incorvaia
Grupp Età 55-59
1. Mary Grace Demicoli (Starmax)
2. Luana Zammit
3. Susan Fenech (Birkirkara St. Joseph)
Grupp Età 60+
1. Christine Attard (Ladies Running Club)
