Ferrari sofrew l-ewwel aħbar ħażina f’dawn it-testijiet hekk kif problema waslet biex Sebastian Vettel tilef il-kontroll tal-karozza u baqa’ dieħel fil-barrikati. Ferrari tilfu kważi ħames sigħat fuq iċ-ċirkwit wara problema fuq in-naħa xellugija tal-karozza. Vettel kien restritt għal 40 dawra filgħodu u rritorna fiċ-ċirkwit fl-aħħar minuti.
McLaren kienu l-aktar veloċi għat-tieni jum konsekuttiv, f’ġurnata fejn Mercedes u Red Bull għamlu aktar minn 100 dawra. Wara li t-Tlieta kien Lando Norris l-aktar veloċi din id-darba, kien Carlos Sainz li permezz tat-tieni l-aktar sett ta’ tyres veloċi għamel ħin ta’ 1:17.144 fis-sessjoni ta’ filgħodu
Sergio Perez ta’ Racing Point temm it-tieni b’dawra veloċi tard fis-sessjoni iżda b’sett ta’ tyres aktar veloċi minn ta’ Sainz. Minkejja n-nuqqas ta’ dawriet, Vettel għamel it-tielet l-aktar ħin, b’Kimi Raikkonen ikompli jimpressjona bir-raba’ post għal Alfa Romeo.
Filwaqt li Mercedes u Renault għandhom miri differenti, Mercedes u Renault dehru li użew l-istess sistema fit-tieni ġurnata hekk kif għamlu l-ħinijiet b’karozza tqila bil-fuel. Mercedes għamlu total impressjonanti ta’ 176 logħba. Fuq in-naħa l-oħra, aħbar tajba għal Williams hekk kif għamlu aktar minn 100 dawra għat-tieni ġurnata konsekuttiva permezz ta’ Robert Kubica.
Kif spiċċaw it-tieni ġurnata tat-testijiet finali
1. Carlos Sainz McLaren 1:17.144
2. Sergio Perez Racing Point +0.698
3. Sebastian Vettel Ferrari +1.051
4. Kimi Raikkonen Alfa Romeo +1.065
5. Romain Grosjean Haas +1.186
6. Max Verstappen Red Bull +1.251
7. Daniil Kvyat Toro Rosso +1.538
8. Valtteri Bottas Mercedes +1.797
9. Lewis Hamilton Mercedes +1.799
10. Nico Hulkenberg Renault +1.912
11. Robert Kubica Williams +2.223
12. Daniel Ricciardo Renault +5.453
