Il-Karnival huwa wieħed mill-eqdem tradizzjonijiet ta’ Malta, bil-bidu tiegħu jmur lura fl-istorja għaż-żmien tal-Kavallieri tal-Ordni ta’ San Ġwann.
Fil-karnival annwali jitwieldu kreazzjonijiet artistiċi ġodda kull sena …inkluz l-element satiriku.
Din is-sena NET News mar il-Belt Valletta fejn saqsa lin-nies dwar kif jiċċelebraw il-karnival u l-kostumi li ghazlu ghal din is-sena.
Il-Karnival Malti huwa pjattaforma ta’ opportunità għal artisti lokali biex ikunu jistgħu jeżebixxu l-arti tagħhom.
Iċ-ċelebrazzjonijiet ikunu mifruxa fuq ħamest ijiem b’attivitajiet isiru madwar Malta u Għawdex…. bil-qofol tal-attivitajiet organizzati fil-Belt Valletta.
Fost l-attivitajiet se jkun hemm żfin kompettitiv, attivitajiet organizzati għat-tfal, marċi u parati tal-karrijiet, u l-Qarċilla miktuba minn Trevor Zahra. Il-Karnival jintemm bil-Gran Finale, u l-parata tal-karrijiet fit-triq prinċipali tal-Furjana.
