SENGLEA A…………. 0 FLORIANA…………… 1
Senglea: M. Farrugia, T. Marukawa, E. Sidqy, Z. Cassar (G. Camilleri 86’), L. Grech, G. Leyton, D. Venancio, G. Virano (K. Cutajar 72’), M. Garcia, A. Caseres, C. Sammut (B. Schembri 46’)
Floriana: I. Akpan, E. Ruiz, K. Keqi (D. Agius 90+4’), B. Paiber, A. Cini, U. Arias (C. Borg 90’), A. Oyama, E. Herrera, E. Cesani, E. Marcellina, L. Vieira Da Silva (T. Vella 74’)
Imwissija: A. Caseres 34’ (S) E. Marcellina 2’, K. Keqi 59’ (F)
Skorjaw: K. Keqi 16’ (F)
Referee: Glenn Tonna
Assistenti Referees: Luke Portelli, Dusan Petrovic
In-Nazzjon Plejer tal-Logħba: Diego Venancio (Senglea Athletic)
Rapport:Keane Cutajar
Gowl uniku kmieni fil-partita kien biżżejjed għal Floriana biex irritornaw għar-rebħa wara nuqqas ta’ ħames logħbiet ma jakkwistaw it-tliet punti fil-kampjonat. Għal Senglea Athletic din kienet l-ewwel telfa tas-sena 2019, wara ħames logħbiet ma jitilfu, telfa li tfisser li ser jagħlqu d-19-il ġurnata tal-Kampjonat Premier it-tielet mill-aħħar.
Wara biss għaxar sekondi, Lucas Vieira Da Silva kien fortunat li ra l-ballun jaħbat miegħu biex spiċċa waħdu quddiem Matthew Farrugia iżda l-attakkant ta’ Floriana għamel l-impossibbli u xeħet barra.
Senglea wieġbu f’temp ta’ żewġ minuti b’azzjoni personali ta’ Matias Garcia li għamel spazju għalih innifsu qabel ittanta xortih minn barra l-kaxxa, iżda ma ħoloq l-ebda problema għal Ini Akpan. L-istess Garcia reġa’ sab lil Akpan attent minuta wara, wara xogħol tajjeb mal-linja xellugija ta’ Taisei Marukawa.
Farrugia salva tajjeb fil-baxx fuq l-ewwel lasta x-xutt b’saħħtu ta’ Vieira Da Silva fit-13-il minuta, wara li dan tal-aħħar irnexxielu jdur tajjeb fil-kaxxa. Il-Greens fetħu l-iskor fit-16-il minuta permezz tat-Taljan KRISTIAN KEQI li ma kienx magħluq fil-ħin qabel spara fil-baxx wara Farrugia.
Fl-aħħar sekondi tal-ewwel taqsima, it-tim tal-Isla għal ftit ma ġabx il-gowl tad-draw hekk kif Marukawa daħal tajjeb mix-xellug, krossja fil-baxx lejn Caseres li sab lil Akpan f’saqajh jimblokka l-ballun f’żewġ tentattivi.
Fis-56 minuta free-kick dirett b’saħħtu ta’ Diego Venacio kien salvat tajjeb u mdawwar f’korner minn Akpan, probabbilment l-aktar darba li resqu viċin il-gowl Senglea. Tliet minuti wara, l-istess plejer minn qagħda simili, reġa’ kien imċaħħad mill-gowlkiper b’save stupend ieħor. Mir-rebound, Senglea fallew ċans tajjeb bix-xutt tal-aħħar jispiċċa għoli.
