It-tanker Histria Ivory, li jtajjar bandiera Maltija, inħataf minn numru ta’ persuni armati ‘l barra mill-kosta tat-Togo qrib il-port ta’ Lome.
Skont rapporti fil-media internazzjonali, jidher li abbord il-bastiment għad hemm 3 membri tal-ekwipaġġ li qed jinżammu ostaġġi. Iżda jirriżulta li ma tista issir l-ebda komunikazzjoni mal-ekwipaġġ minħabba li t-tagħmir elettorniku tkisser għal kollox.
Bħalissa l-vapur għadu qed iżomm l-istess pożizzjoni ‘l barra mill-kosta u mhux jiċċaqlaq.
Il-maġġorparti tal-ekwipaġġ ġej mir-Rumanija.
Ritratt: MarineTraffic.com
