TARXIEN RAINBOWS…………………….. 0 BIRKIRKARA…………………. 2
Tarxien: M. Buhagiar, J. Gill, D. Zerafa, G. Aquilina, D. Falzon, E. Arab (M. Paolucci 75’), D. Mambouana, A. De Barros (M. Spiteri 87’), R. Faria, A. Nilsson, J. De Paixao
Birkirkara: K. Naumovski, M. Guillaumier (M. Andelkovic 57’), L. Montebello, J. Bezzina, K. Zammit, E. Ferreira, N. Vukanac, C. Attard, T. Agius (P. Mbong 81’), M. De Siqueira, T. De Souza (M. Mifsud 70’)
Imwissija: R. Faria 49’ (T), D. Mambouana 55’ (T), J. De Paixao 77’ (T), D. Zerafa 86’ (T)
Skorjaw: N. Vukanac 50’ (B), L. Montebello 88’ (B)
Tkeċċa: J. De Paixao 79’ (T)
Referee: Philip Farrugia
Assistenti Referees: Dusan Petrovic, Ivan Galea
In-Nazzjon Plejer tal-logħba: Johann Bezzina (Birkirkara)
Rapport: Luke Micallef
Birkirkara kisbu doppjetta staġjonali kontra Tarxien f’dan l-istaġun. Wara li fl-ewwel rawnd il-Karkariżi kienu ħarġu b’rebħa ta’ 2-0 lura f’Ottubru tas-sena l-oħra, fil-logħba tal-bieraħ il-Karkariżi reġgħu urew is-superjorità tagħhom fuq it-Tarxiniżi b’rebħa ta’ 2-0.
L-ewwel azzjoni kienet nieqsa mill-azzjonijiet tant li l-ewwel azzjoni denja ta’ nota waslet fis-37 minuta meta Thiago De Souza ra x-xutt tiegħu jgħaddi barra mil-lasti difiżi minn Maverick Buhagiar. Birkirkara komplew jiddominaw il-logħba, iżda ma wasslu għall-ebda azzjoni perikoluża.
It-tieni taqsima fetħet movimentata ferm min-naħa ta’ Birkirkara u pattew għan-nuqqas ta’ azzjonijiet fl-ewwel taqsima. Fil-fatt ħames minuti mit-tieni taqsima kienu l-istess Karkarkiżi li marru minn fuq.
Minn free-kick li ngħata fil-kaxxa tar-Rainbows, daħal bir-ras NIKOLA VUKANAC li tefa’ lil Birkirkara minn fuq. Fit-68 minuta kienu perikolużi t-Tarxiniżi. Daħal bir-ras Jackson De Paixao wara li rċieva mingħand Siraj Eddin Arab, li sab lill-gowlkiper ta’ Birkirkara Kristijan Naumovski attent u dawwar il-ballun f’korner.
L-istess Jackson da Paixao Alves intwera t-tieni karta safra fid-79 minuta wara daħla kerha fuq plejer ta’ Birkirkara. Żewġ minuti mit-tmiem tal-partita, Birkirkara aċċertaw mit-tliet punti permezz ta’ xutt fil-baxx ta’ LUKE MONTEBELLO.
