Uffiċjali tad-Dwana elevaw kwantità ta’ fliexken tal-inbid minn fuq l-ixkafef ta’ ħanut f’San Gwann u xorb alkoħoliku minn ħanut fil-Birgu
Uffiċjali tad-Dipartiment tad-Dwana, mit-Taqsima tal-Infurzar u mid-Direttorat tas-Sisa, dalgħodu, waqt eżerċizzju ta’ tfittxija għal prodotti tal-kuntrabandu, elevaw 603 flixkun inbid minn fuq l-ixkafef ta’ ħanut f’San Gwann. Dawn l-inbejjed kienu qiegħdin jiġu offruti għall-bejgħ mingħajr ma kienu immarkati bl-istrixxa tas-Sisa.
F’operazzjoni oħra fil-Birgu, Uffiċċjali tad-Dwana 21 flixkun whisky li ddaħħlu bil-kuntrabandu.
Id-Dipartiment tad-Dwana għal darba oħra jappella lill-pubbliku biex, jekk jiltaqa’ ma’ inbejjed, jew xorb alkoħoliku ieħor, li mhux fiskalment immarkat bl-istrixxa tas-sisa, jirrapporta anonimament fuq 2568 5124 jew 2568 5200.
